Hönnun og bygging öryggisfangelsis – Forval

Framkvæmdasýslan – Ríkiseignir, hér eftir nefnt FSRE, f.h. verkkaupa, Dómsmálaráðuneytisins, óskar eftir umsóknum fyrirtækja eða teyma fyrirtækja um þátttöku í forvali fyrir samkeppnisútboð sem felur í sér hönnun og byggingu fyrsta áfanga nýs öryggisfangelsis að Stóra-Hrauni í sveitarfélaginu Árborg. Fyrirhugað er að byggja nýtt öryggisfangelsi á háu öryggisstigi sem rýma skal í heildina 128 afplánunarfanga. Nýtt öryggisfangelsi á að leysa af núverandi fangelsi að Litla-Hrauni. Nýju öryggisfangelsi hefur verið valinn staður í landi Stóra-Hrauns í sveitarfélaginu Árborg. Nákvæm lýsing á eðli og umfangi þeirrar vöru/þjónustu sem óskað er eftir í þessu útboði er tilgreint í útboðsgögnum. Um er að ræða samkeppnisútboð eins og því er lýst í 36. gr. laga um opinber innkaup nr. 120/2016 (OIL). sem hefst með forvali þessu. Útboðið er auglýst á Evrópska efnahagssvæðinu. Allar nánari upplýsingar um er að finna í útboðskerfi FSRE, TendSign.is . Leiðbeiningar varðandi skráningu og skil tilboða er að finna á hér . Til að lesa nánar um útboðið, smellið á þennan hlekk: https://tendsign.is/doc.aspx?MeFormsNoticeID=100868