Innkjøp av hjullastar

Innkjøp av hjullastar – SIMAS IKS SIMAS IKS skal inngå kontrakt om levering av ein (1) komplett hjullastar for drift ved SIMAS sitt anlegg i Festingdalen, Kaupanger. Maskina skal leverast klargjord og ferdig til bruk ved levering, inkludert naudsynt dokumentasjon på norsk, opplæring av operatørar samt funksjonsprøving og aksepttest. Anskaffinga omfattar ein hjullastar i vektklasse ca. 18–20 tonn, tilpassa arbeid med massehandtering, kompostproduksjon, lasting av avfall og handtering av containerar og tilleggsutstyr. Funksjonar, tekniske spesifikasjonar, utstyr og opsjonar går fram av Bilag 1 – Kravspesifikasjon (Excel). Alle tekniske og funksjonelle krav i Bilag 1 er bindande minstekrav dersom ikkje anna er oppgjeve. Leverandøren skal tilby komplett maskin klar til drift, inkludert opplæring hos SIMAS, dokumentert service‑ og vedlikehaldsopplegg og garanti i samsvar med krava i Bilag 1. Det vert stilt krav til responstid for feilhandsaming og service. Leveransen skal gjennomførast DDP (Incoterms 2010) til SIMAS sitt anlegg i Kaupanger. Konkurransen vert gjennomført som open anbodskonkurranse utan forhandling etter lov om offentlege anskaffingar (LOA) og forskrift om offentlege anskaffingar (FOA) del III (over EØS‑terskel). All kommunikasjon og innlevering av tilbod skal skje via KGV (Artifik). Kvalifikasjonskrav skal dokumenterast ved ESPD i KGV og omfattar lovleg etablering, økonomisk og finansiell kapasitet samt teknisk og fagleg kapasitet, inkludert relevante referansar og dokumentert verkstadnett i Vestland. Tildeling skjer på grunnlag av det økonomisk mest fordelaktige tilbodet, basert på følgjande kriterium: Pris (50 %), Miljø (20 %), Kvalitet og yting (20 %) og Service og oppetid (10 %). Kontrakten vil nytte DFØ sine standard kontraktsvilkår for kjøp av varer med eller utan montasje/installering, med eventuelle presiseringar slik det går fram av konkurransegrunnlaget og vedlegga.