Ytri- Hagi – Dælustöð – Borholuhús – Lokahús

Norðurorka hf., kt. 550978- 0169 óskar eftir tilboðum í byggingu dælustöðvar hitaveitu, byggingu borholuhúss, uppsteypu lokahúss við gasskilju og steyptar undirstöður gasskilju að Ytri- Haga í Dalvíkurbyggð. Gögn eru afhent með að óska eftir þeim á netfangið rab@verkis.is Stærð dælustöðvar er um 270 m 2 , stærð borholuhúss er um 60 m2 og stærð lokahúss er um 50 m 2 auk stálpalls og upphækkunar í hluta þess. Steyptar undirstöður undir gasskilju eru hringlaga og eru um 33 m að lengd. Dælustöð er staðsteypt bygging með loftaplötu úr forspenntum steypueiningar með ásteypulagi yfir hluta byggingar og á því svæði uppstóluðu trésperruþaki. Yfir öðrum hlutum byggingarinnar er venjulegt trésperruþak. Þak er klætt borðaklæðningu og þakstáli. Útveggir eru staðsteyptir samlokuveggir, þ.e.a.s. steyptir burðarveggir að innanverðu og steypt veðurkápa utan á einangrun. Loftfræsing er í byggingunni er það kerfi hluti verks sem og almennar húslagnir rafmagns og neysluvatns- og frárennslislagnir. Borholuhús er staðsteypt bygging, skipt upp í þrjá hluta með tveimur steyptum milliveggjum. Útveggir eru staðsteyptir samlokuveggir, þ.e.a.s. steyptir burðarveggir að innanverðu og steypt veðurkápa utan á einangrun. Loftaplata er staðsteypt og þak viðsnúið. Steypa er sjónsteypa samkvæmt nánari útlistun í verklýsingu arkitekts. Takmarkað magn er af loftræsilögnum, neysluvatnslögnum og raflögnum í byggingunni. Lokahús er staðsteypt bygging sem er staðsett við gasskilju. Gasskilja er ekki hluti þessa útboðs en þó er hluti þess að steypa undirstöður hennar. Lokahús er að hluta til með meiri lofthæð þar sem kemur millipallur úr stáli og stálgrindum í. Lokahús er óeinangrað að mestu leyti og í því er mjög takmarkaðar lagnir rafmagns.