Набавка на стоки и услуги за тековно и инвестиционо одржување и сервисирање на рефлекторски систем и осветлување на „Национална арена Тодор Проески“ Скопје

Набавка на стоки и услуги за тековно и инвестиционо одржување и сервисирање на рефлекторски систем и осветлување на „Национална арена Тодор Проески” Скопје, по единечни количини согласно Спецификацијата за цени. Предметот на набавката опфаќа редовни месечни прегледи, сервисирање и одржување на сите светлосни тела кои се поставени на „Национална арена Тодор Проески” Скопје, како што се рефлектори за осветлување на теренот и атлетската патека, јодни рефлектори за осветлување на трибините во случај на прекин на електрична енергија, лед рефлектори за осветлување на теренот, рефлектори кои служат за осветлување на сервисната улица, илуминација на стаклена фасада, пристапните патеки, пристапните мостови со своите придружни компоненти (сијалици, пригушници, фасонки, склопки, разводни табли, прекинувачи и др.), неонски светла поставени на излезите на трибините, во санитарните чворови, управата на стадионот, ВИП ресторани, простории за претставници на УЕФА, ФФМ и МОК, соблекувални, приоди и скалишни простори со своите компоненти (флуо цевки, лед светилки, пригушници, цели арматури, панични светилки, прекинувачи, штекери) и други елементи во електричните инсталации, како и редовни месечни прегледи на инсталациите со утврдување дефектажа и редовно годишно фотометриско мерење за осветлувањето на стадионот со издавање на Сертификат за осветлување на стадион по стандардите на УЕФА. Достапност на технички тим 24/7 часови и дежурство со технички тим на натпревари и настани, како и одржување и ажурирање на софтверите кои се користат за ракување на рефлекторите. Добавувачот задолжително се обврзува на негов трошок да го преземе и исфрли електронскиот отпад согласно законските прописи во Република Северна Македонија кои ја регулираат таа материја.