DPS Lífdísill fyrir Isavia ohf. – U25041

Kaupandi hyggst koma á fót gagnvirku innkaupakerfi („DPS“) hæfra birgja fyrir afhendingu á hreinni lífdísil olíu (HVO) til notkunar á vinnuvélum og öðrum ökutækjum. Áhugasamir birgjar eru hvattir til að senda beiðni um þátttöku í kerfinu. Á meðan DPS er í gildi er það opið öllum birgjum sem uppfylla skilyrði fyrir þátttöku í samræmi við skilmála útboðsgagna. Öll innkaup innan DPS verða framkvæmd með lokuðum útboðum, auglýstum á útboðsvef kaupanda. Útboðsferlið (DPS) er rafrænt ferli í tveimur þrepum. Fyrra þrepið er forvalsferli og annað þrepið er lokað innkaupaferli. Allir umsækjendur sem uppfylla hæfiskröfurnar sem skilgreindar eru í 2. kafla, Hæfi bjóðanda, verða samþykktir sem aðilar að DPS kerfinu og geta tekið þátt í lokuðum innkaupaferlum innan þess. Frestur til að senda inn umsóknir um þátttöku í forvalsferli lýkur þann 10.11.2026 kl.13:00 . Þegar umsóknir um þátttöku hafa verið yfirfarnar og DPS kerfið opnað, opnast aftur fyrir umsóknir um þátttöku.