RFI om kontraktsinndeling av framtidige kontraktar i Bergensområdet

Skyss har starta førebuingane av konkurransane for dei komande busskontraktane i Bergensområdet. I dag er rutetilbodet delt inn i fire kontraktar. Det er ikkje teke stilling til kor mange kontraktar det framtidige rutetilbodet skal delast inn i. I arbeidet med å vurdere ei føremålstenleg framtidig kontraktsinndeling, ønskjer Skyss innspel frå marknaden. Målet er å utforme ei kontraktsstruktur som er attraktiv for flest mogleg operatørselskap – både store aktørar og mellomstore selskap.