Intensjonskunngjering - utviding av simulatoranlegget ved Fagskulen Vestland, studiestad Måløy

Vestland fylkeskommune kunngjer med dette si intensjon om å inngå avtale med Wärtsila om levering av utviding av simulatoranlegg ved Fagskulen Vestland, studiestad Måløy. Oppdragsgjevar har behov for at utvidinga teknisk kan samankoplast med eksisterande simulatorutstyr ved skulen. Alt eksisterande simulatorutstyr er levert av Wärtsila. Etter ei kartlegging av marknaden vurderer oppdragsgjevar at det berre er éin aktuell leverandør som kan dekke behovet, då andre leverandørar ikkje kan levere løysingar som er teknisk samankoplingsbare med eksisterande utstyr. Frist for å kome med innvendingar er 18.02.2026.