Asfaltering og reasfaltering av kommunale vegar 2026

Bakgrunn Luster kommune har behov for asfaltering og reasfaltering av kommunale vegar i 2026 som del av det løpande vedlikehaldet av vegnettet. Fleire vegstrekningar har slitasje i form av sprekkar, hol og ujamn overflate, noko som påverkar både framkome, trafikksikkerheit og levetid på veganlegga. Føremålet med anskaffinga er å utbetre prioriterte vegstrekningar slik at kommunen får ei jamn og sikker overflate med tilfredsstillande kvalitet. Leverandørane må også leggje til grunn at arbeidet skal gjennomførast på vegar som er i drift, med tydeleg varsling og skilting og naudsynt omsyn til skuleveg og mjuke trafikantar. Beskrivelse av oppdraget Oppdraget omfattar asfaltering og reasfaltering av fleire prioriterte kommunale vegstrekningar i Luster kommune i 2026. Anskaffinga skal dekkje samla reasfaltering av dei vegane kommunen vel å prioritere innanfor kontraktsperioden. Leveransen omfattar naudsynt lapping og oppretting før asfaltering, sjølve asfaltarbeidet og tilpassing av kummar og slukar. Arbeidet skal planleggjast og utførast slik at trafikkavviklinga kan gå føre seg på ein forsvarleg måte medan vegane er i bruk. Kommunen ønskjer pris på ferdig lagt asfalt, med oppgjeven einingspris, og pris for tilhøyrande arbeid som oppretting, lapping og tilpassing av kummar og slukar. Det blir stilt krav om ei løysing som gir ei jamn, robust og trafikksikker vegoverflate. Kommunal kai i Gaupne kan nyttast. Avstand frå kai i Gaupne til Bolstadvegen, Sagøy og Vassvegen er 25km, og avstanden til Ekrevegen og Fet er 8km. Asfalttype som skal nyttast: Agb11 – 100kg/m2.